2 songs that i wish, Sree Mukeshji had sung :~~

jo mera geet hai jise main chahtee thee ki, Sree Mukesh ji gaayein ...uske shabd hain ---

[ SONG : One ]

Male voice :

" choot gaya nayan se kajra,
rooth gaya matwala gajra,
ghayal hain din rain,
Sajan tu, aa jaa ...."

" doobi aaj sanjh ki laali,
koyal kook, huee matwalee,
chand - chandaniyaan ka khel !
piya ..tu ...aa jaa ..."

" roothee nindiyaa, raat manaye,
soyee duniya, sapan nihare ,
manvaa re, baichain !
Sajan ..Tu ..aa jaa ..."

Female voice :

" Mere kangna, chup hain sare,
Raiyn badee aur, thode taare,
kaise vidhi ke lekh !
Piya ..Tu ..aa jaa ..."

" Meri jagtee, soteen raatein,
Nainon main hain, kitnee baatein,
Kaun gaya Tu des !
Sajan ...Tu ...Aa jaa ..."
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

[ Song : Two ] ( Male Voice = Mukeshji's voice )

" Apnee wafa e taraane, gaya kareinge Zamane ... ( 2 )

Nazron mein aaye kayee....aake chale wo gaye ....

Nazron mein Tum ho humare , Janmon ke saathee humare

Nayanon ke Taare humare ...apnee wafa ke tarane ..gaya karenge zamane !

Gardishon mein hon taare, baagon mein phool pyare - pyare .

Tum ho jo sang humare, bahega jeevan sahare .....
aayega, ek din kinare ...apnee wafa ke tarane , gaya karenge Zamane ..."