Paigaam

Paigaam
---------------------------------------------------------------------------------------------------------------------------------------------

Naam likha tha ret per,

Hawa ka ek jhonka aaya

Aa ker , usko mita gaya!

Hawaon pe likh doon
halke hathon se dubara,
Kya main unka naam ?

O pawan, tu hi le ja !
yeh Sandesha mera
Un tak, pahooncha aa !

Keh dena ja ker unse
Tum aaye ho wahin se
Jo tha, Unka Gaanv !

Kuch to teri bhi khata
Aree bawri pawan
Kuch pal ko rook ja !

Reton se athkhelee
ker lutaye tune ,mujh
Birhan ke .. paigaam !

Tu wapis laut ke aana
Mera, bhi pata batana,
haan, sath unhe bhi lana !

Ab , Intezaar rahega tera,
choodi ko , jhoomar ko,
Payal ko aur Bindi ko !

Mere jiyara se chaye
Baadlon ke sang sang
Sahmee huee hai aas !
-------------------------------------------------------------------------------[ Lavanya ]