Amma ( Susheela )
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Maan ! Tum chalee gayeen !
Deh ke Bandhan sub tod
Sare rishte naate tod , chod
Seemit seemaon ke paar ,
Jeerna sheerna deh ke dwar ,
Mamta ka Ujiyala baal,
Thake kadam se, moonde nayan se ,
Humen , chodker gayeen !
Maan tum chalee gayeen !

Kaun kahega, " Beti,
Sun rahi ho na ree ? "
" Haan, amma, sun rahee hoon ! "
Kisse ab , ye kahoongee ?

Ker dena sare apradh kshama
Avhelna ya manmutav bhaav
Udar hriday se, kar sub ko kshama !
Maan ! Main hoon teri beti !
O Maan ! Tum kyon chalee gayeen !
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
{ meri Amma, Smt Sushila Narendra Sharma ki pawan smritiyon Naman karte hue , us Maa ko yaad karte hue jinska sampoorna jeevan , apne parivar ke prati samarpit raha , use yaad karte hue ki jiske antim kshano mein , main us ke pas sa - shareer upasthit na reh saki aur us ki glani va peeda , sadaiv mere sath rahegi . .......................Ye Shraddha ~~ Suman Maa Mahamaya swaroopini , her mamtamayee Mata ke prati .................}