RAM - NAAM ----

RAM - NAAM ----

Ram hain sub mein , na sub hain Ram,

Kintu hai ADHIKAAR sub ko, Ram ka len Naam !

Ram ka vaishisttya , unke naam mein vyapak,

Swayam Ram pranamya,

unka naam param pranaam !!

-Nidhi Pati -- Prati Nidhi Ram nidhi pati,

Bharat prati nidhi Ram ke !

Aprainami Ram, karan Bharat shubh parinaam ke !

Aur aisa kaun , sanskrit , vikrut ko jo ker sake ?

Prakruti ki mamta, ahanta , jeev ki jo her sake ?

Keh sake jo, Ram hi nidhipati, Ayodhya - dham ke !

Awadh ban jata vadh - sthal , wadh sthal banta Awadh,

Bharat ke karan na sajjanta sahaj tajta Awadh !

Bharat ke dakshin kiye kartab vidhata vaam ke !

Awadh sarthak hai Bharat ke Nandi - Gram niwas mein,

Sankhya prakruti - pradhaan sarthak Bharat yogabhyas mein !

Ram sayan, Bharat niryan Surya antaryaam ke !

Tyag - bhag - vivek tek, avirat sadhna ,

Bharat - vrat mein nihit raja Ram ki sambhavna !

Bhartiya Grihastha pratinidhi hon Bharat nishkaam ke !

Bharat ki kartavya - mati mein Naagrik ADHIKAAR hain,

Bhart , BHAARAT ke subhag avitavya ke aadhaar hain !

Man humare sagun mandir hon Bharat gun gram ke !

[ Dono Kavya Rachna : swargiya Pandit Narendra Sharma ]